上海话童谣儿歌

2024年3月7日发(作者：螳螂的样子)

1接口令

侬姓啥？我姓黄。啥个黄？草头黄。啥个草？青草。啥个青？碧绿青。啥个碧？毛笔。啥

个毛？三毛。啥个山？高山。啥个高？年糕。啥个年？2012年。

2哭烛包

一歇哭，一歇笑，两只眼睛开大炮，一开开到城隍庙，城隍老爷哈哈笑。

赖学精

赖学精，白相精，书包掼辣屋头顶，看见先生难为情

从前有个老伯伯

从前有个老伯伯，年纪活到八十八，有一日八月八号，早浪八点钟，乘了八路电车，乘到八仙桥，吃碗八宝饭，铜钿用脱八块八角八。

敲铃弹琴

小玲会弹琴，小琴会敲铃，小玲要敲小琴个铃，小琴要弹小玲个琴；小琴教小玲敲铃，小玲教小琴弹琴。

小花狗

一张小花狗，眼睛骨溜溜，坐辣门口头，想吃肉骨头。

抬轿子

哩啊哩吱轿子，轿啊轿子哩吱。抬轿子，抬轿子，一抬抬到城隍庙，“扒拉搭”，跌一跤，拾着一只大元宝。

小姑娘

拉拉小辫子，点点小鼻头，拉拉小耳朵，翘翘小嘴巴，花花痒气气。

喔唷哇

喔唷哇！做啥啦？蚊子咬我呀！快点上来呀！上来做啥呀？上来白相呀！

敲洋钉

长脚鹭鸶敲洋钉，敲来敲去敲勿进，原来是只螺丝钉。

一只狗

一只狗，两只头，三钿买来个，四川带来个，五颜六色个，七嘴八搭个，究竟哪能个，实在呒没个。

蜜蜂叮癞痢

蜜蜂叮癞痢，癞痢背洋枪，洋枪打老虎，老虎吃小人，小人捉雄鸡，雄鸡吃蜜蜂。

两只老虎

两只老虎，两只老虎，跑得快，跑得快，一只呒没尾巴，一只呒没耳朵，真奇怪，真奇怪！

排排坐

排排坐，吃果果，幼儿园里朋友多，朋友多，好唱歌。

新剃头

新剃头，打三记，勿打三记触霉头，打仔三记额角头。

小老虫偷油

小老虫，上灯台，偷油吃，下勿来，咯碌咯碌滚下来。

踢毽子歌

一手心，二手背，三酒盅，四牙筷，五顶拳，六佛手，七杠子，八大跳，九上面，十上背。

摇啊摇

摇啊摇，摇到外婆桥，外婆叫我好宝宝。糖一包，果一包，外婆买条鱼来烧。头勿熟，尾巴焦，盛辣碗里吱吱叫，吃辣肚里豁虎跳。跳啊跳，一跳跳到卖鱼桥，宝宝乐得哈哈笑。

摇啊摇，摇到外婆桥，外婆叫我好宝宝。请吃糖，请吃糕，糖啊糕啊莫吃饱。少吃滋味多，多吃滋味少。

摇啊摇，摇到外婆桥，外婆叫我好宝宝，我叫外婆洋泡泡，外婆骂我小出老！

“小丫头”歌

小丫头，勿成器，勿会做生活，看看真讨气。叫伊淘淘米，揿脱仔饭箩底；叫伊挽挽水，驳起屁股摸螺蛳；叫伊拔拔葱，登拉田里竖烟囱；叫伊纺纺纱，锭子头上开朵花；叫伊绣绣鞋，好像鸡脚赖；叫伊织织布，布机潭里撤堆污；叫伊兜兜火，东家白话西家坐；叫伊捉捉花，偷仔隔壁田里瓜。

梁山头浪一只羊（自拟题目）

梁山头浪一只羊，远往松江粜米粮。大斗量来小斗卖，升箩头浪养爹娘。爹娘养我能长大，我养爹娘勿久长

骑马到松江（自拟题目）

啷啷啷,骑马到松江。松江老虎叫，囡囡心里别别跳。

卖猪猡（自拟题目）

背背驮,卖猪猡,开年卖脱侬! “卖脱侬，肯?”“勿肯个!”

一箩麦两箩麦（自拟题目）

一箩麦,两箩麦,三箩开手拍大麦,劈劈拍,劈劈拍。

木头人（其一）（自拟题目）

三、三、三，山上有个木头人，不许讲话不许动！（看啥人动，动了就要接下去讲）

本来要打千千万万记，现在辰光来不及，马马虎虎打十记。一、二、三、四、五，六、七、八、九、十。 打了十记还不够，还要打三记。一、二、三。

木头人（其二）（自拟题目）

三三三，阿拉侪是木头人，勿许哭来勿许笑，还有一个勿许动。

笃笃笃 卖糖粥 （自拟题目）

笃笃笃，卖糖粥，三斤蒲桃四斤壳。吃侬个肉，还侬壳。张家老伯伯辣辣𠲎？辣辣海。问

侬讨只小花狗。侬来拣一只。汪、汪、汪！

小皮球（自拟题目）

小皮球,小小篮,落地开花二十一,二五六,二五七,二八二九三十一;三五六,三五七,三八三九四十一;……

落雨喽（自拟题目）

落雨喽,打烊喽,小八腊子开会喽!

稀奇勿煞

希奇勿煞,卖样勿煞,烂泥菩萨,一脚踢杀!

搭头歌

大头大头,下雨勿愁,人家有伞,我有大头。

老面皮

冬瓜皮，西瓜皮，小姑娘赤膊老面皮！

月亮亮

月亮亮,家家小囡出来白相相，拾着一只钉，打管枪，戳杀老鸦烂肚肠。

小老虫

小老虫，上灯台，偷油吃，下勿来，骨落骨落滚下来。

金锁银锁（其一）

金锁银锁，轧辣辣辣一锁。麻荔子开花，锁到啥人算数。

金锁银锁（其二）

金锁银锁，咯嘞嘞嘞一锁；花轿子抬过，马兰头挑过，轧着啥人算数。

我们要拣一个人（上海普通话歌）

我们要拣一个人，我们要拣一个人！你们要拣什么人？你们要拣什么人？我们要拣朱××，我们要拣朱××！什么人来拖得去，什么人来拖得去？王××来拖得去，王××来拖得去。

山浪有只庙

山浪有只庙，庙里有只缸，缸里有只碗，碗里有只蛋，蛋里有个小和尚，嗯牙嗯牙要吃绿豆汤。

山浪有只老虎（自拟题目）

山浪有只老虎，老虎要吃人，拿伊关辣笼子里。笼子坏脱，老虎逃脱，逃到南京，逃到北京，买包糖精，摆辣水里浸一浸，嘧唏嘧唏拉胡琴。

从前有只庙（自拟题目）

从；前有只庙，庙里有棵树，树下有个老和尚，老和尚对小和尚讲故事：从前有只庙，……

从前有座山（自拟题目）

从前有座山，叫黄昆山；山浪有条路，叫叽哩咕噜；路边有只庙，叫莫名其妙；庙里有只缸，叫四大金刚；身浪有把剑，叫看勿见；来了两个官，一个叫笔套管，一个叫痰盂罐；……

小弟弟小妹妹跑开点（自拟题目）

小弟弟小妹妹跑开点，敲碎玻璃老价钿，问㑚姆妈去讨两钿，讨着铜钿赔玻璃。

1、2、3（自拟题目）

1、2、3，就是你，1、2、6，就是他，1、2、3、7、6，就是你和他。

弟弟疲倦了（自拟题目）

弟弟疲倦了，眼睛小；眼睛小，要?觉。妈妈坐辣摇篮边，把摇篮摇。盎盎我个小宝宝，安安稳稳?一觉。今天?得好，明朝起得早，花园里去采葡萄。

正月里来踢毽子（自拟题目）

正月里来踢毽子，二月里来放鹞子，三月里向荠菜子，四月里向落花子，五月端午裹粽子，六月里向拍蚊子，七月棉花结铃子，八月里向吐瓜子，九月里收葵花子，十月里向造房子，十一月里切栗子，十二月里养个小儿子。

鸡鸡斗（其一）（自拟题目）

鸡鸡斗，共共飞，飞到高山吃白米。

鸡鸡斗（其二）（自拟题目）

鸡鸡斗，蓬蓬飞，飞到娘舅背后底。娘舅话啦杀脱伊，舅妈话拉留拉去。留到开年孵小鸡，小鸡蹲拉青草里。割脱青草种米苋，吃仔米苋上西天。

捉蜻蜓

天灵灵，地灵灵，茅草窠里捉蜻蜓。

大蜻蜓

大蜻蜓，绿眼睛，两只眼睛亮晶晶，飞一飞，停一停，飞来飞去捉苍蝇。

汤司令到

汤司令到， 机关枪扫， 热水瓶爆，癞蛤巴跳。

小星星

小星星，亮晶晶，青石板浪钉铜钉。小星星，亮晶晶，伊拉对侬眨眼睛。

金钩钩 银钩钩

金钩钩，银钩钩，囡囡宝宝拉钩钩。请侬伸出小指头，钩啊钩啊钩三钩。

淘米烧夜饭

淘米烧夜饭，烧好夜饭吃夜饭，吃好夜饭乘风凉，乘好风凉想一想，明朝起来买点啥？青菜萝卜大头菜。

坐下去，立起来

坐下去，立起来。电灯开开来，钞票摸出来，搓搓小麻将呀，来来白相相呀，输脱钞票乒令乓冷打相打呀。

嘀答嘀答洒水车

大街浪，真闹猛，卡车电车来回跑。嘟嘟嘟嘟大汽车，嘀铃嘀铃自行车。扑扑扑扑摩托车，嘀答嘀答洒水车。

拉锯

拉锯！拉锯！外婆屋里唱大戏。接姑娘，请女婿，小外孙，也要去。吃个啥个饭？吃个大公鸡。咬一口，好新奇，从来呒没吃过搿能个好东西。

小螺蛳

小螺蛳，真可笑，造房子，勿用脑。前门造得圆又大，后门造得尖又小。自己想想难为情，见人就拿门关牢。

螳螂新做亲

螳螂新做亲，洋辣做媒人，大头蛤蜢拎仔裙，小头蛤蜢做赞礼。萤火虫，掮烛灯，蚊子吹打小伶伶，跟屁虫吃醉老酒滚?滚。

六兄弟

兄弟六个本同娘，相貌身材不一样；老大眼泪汪汪（雨）；老二素衣白裳（雪）；老三无影无踪（风）；老四骨头石硬（雹）；老五打鼓出场（雷）；老六浑身闪光（闪电）。

花鸡娘子出嫁

花鸡娘子真正俏，嫁给东家熊老老。狐先生，做媒人。黄鼠狼，抬花轿。狗奏音乐猫放炮，铜锣喇叭多热闹。小白兔儿听见了，躲辣门口呵呵笑。

称呼

上海闲话真有趣，称呼搭人家勿一样。宝宝个妈妈叫姆妈，姆妈个姆妈叫外婆，姆妈个阿爸叫外公。宝宝个爸爸叫爹爹，爹爹个爹爹叫老爹，爹爹个姆妈叫唔奶。上海闲话真有趣，称呼搭人家勿一样。

小三子

小三子，拉车子，一拉拉到陆家嘴。拾着一包香瓜子，炒炒一锅子，吃吃一肚子，拆拆一裤子，到黄浦江边?裤子，拨拉红头阿三看见仔，拖到巡捕房里罚角子。

有趣个菜名

阿拉侪是上海人，上海闲话真好听。菜场里向兜一圈，各种菜名讲得清。白菜叫作黄芽菜，玉米叫作珍珠米。莴苣叫作香乌笋，土豆叫作洋山芋。西红柿，叫番茄，茄子茄子叫落苏，还有交关好小菜，大家侪来寻一寻。

鸡冠花 蓬蓬开

鸡冠花，蓬蓬开，老鹰吃酒还勿来。双羊灯，梅花灯，照仔老鹰回家门。泥鳅讨老人，黄鳝勿相信。蛤蜢去打听，长脚黄蜂挂红灯。红头苍蝇吹喇叭，田鸡拉车搬桌凳。喜酒摆辣田头埂，吃到半夜再散尽。

天上星

天上星，地上星，爷爷叫我吃点心。勿高兴，买糕饼，糕饼甜，买斤盐，盐末咸，买只篮，篮末漏，买升豆，豆末香，买块姜，姜末辣，买只鸭，鸭末叫，买只鸟，鸟末飞，买只鸡，鸡末喔喔啼，买只椠光梨。

啥个弯弯

姐姐妹妹，坐在门边，唱起歌来，天边水边。啥个弯弯辣天边？啥个弯弯辣眼前？啥个弯弯头上过？啥个弯弯辣水边？月亮弯弯辣天边，眉毛弯弯辣眼前，木梳弯弯头上过，小船弯弯辣水边。

康铃康铃马来哉

康铃康铃马来哉，隔壁大姐转来哉。啥个小菜？茭白炒虾，田鸡踏杀。 老鸦告状，告拨文王； 文王卖布，卖着姐夫；姐夫关门，关着苍蝇；苍蝇扒灰，扒着乌龟，乌龟拆屁，拆得满地。

正月里来踢毽子

正月里来踢毽子，二月里来放鹞子，三月里向荠菜子，四月里向落花子，五月端午裹粽子，六月里向拍蚊子，七月棉花结铃子，八月里向吐瓜子，九月里收葵花子，十月里向造房子，十一月里切栗子，十二月里养个小儿

子。

七字歌

地浪七块冰，台浪七盏灯，墙浪七只钉，树浪七只鹰，天浪七粒星。乒——乓，踏碎地浪七块冰，扑——扑，吹灭台浪七盏灯，吭——嗨，拔去墙浪七只钉，呵——嘘，赶走树浪七只鹰，一朵乌云遮没天浪七粒星。连念七遍就聪明。

绕口令

白庙白猫

山上有座白庙，地上有只白猫，白发老公公落脱一顶白帽，白猫衔了白帽逃进了白庙。

墙上挂面鼓

墙上挂面鼓，鼓上画老虎。老虎踏破鼓，买块布来补。到底是布补鼓，还是布补虎。

敲铃弹琴

小玲会弹琴，小琴会敲铃。小玲要敲小琴个铃，小琴要弹小玲个琴；小琴教小玲敲铃，小玲教小琴弹琴。

墙与羊

张家打堵墙，杨家养只羊。杨家个羊撞倒张家一堵墙，张家个墙压杀杨家一只羊。杨家要张家赔羊，张家要杨家赔墙。到底是杨家个羊撞倒张家个墙，还是张家个墙压杀杨家个羊？

和尚偷酱缸

月亮白茫茫，有人偷酱缸，聋彭亲听得，瞎子看清爽，哑嘴高声喊，跷脚追得忙，坏手去抓发，瘌痢反心伤，眯细先看出，原来是和尚。

庙里猫庙外猫

庙里一只猫，庙外一只猫。庙里猫要咬庙外猫，庙外猫要咬庙里猫。到底是庙里猫咬了庙外猫，还是庙外猫咬了庙里猫。

墙浪有面破锣

墙浪有面破锣，台浪有只破锅，床浪有条破裤，包里有块破布。破布补破裤，破锣套破锅，卖脱破布破裤换破土布，卖脱破锅破锣调火炉。

天浪七只星

天浪七只星，地浪七块冰，树浪七只莺，梁浪七只钉，台浪七盏灯。星冰莺钉灯，灯钉莺冰星，呼卢呼卢扇因灯，嗳嗄嗳嗄拔去钉，哦嘘哦嘘赶走莺，飞过乌云盖脱星，抽起一脚踢碎冰。念是七遍就聪明。

上海有座龙华塔

上海有座龙华塔，麻雀飞过擦一擦。阿甲问阿达：‘是雀擦塔，还是塔擦雀？’阿达答阿甲：‘迭个是雀擦塔，勿是塔擦雀’。

吃橘子，剥橘壳

吃橘子，剥橘壳，橘壳?拉北壁角。到底是橘壳碰壁角，还是壁角碰橘壳。

老伯伯拔麦

一个老伯伯，脚浪着双白袜，到田里向去拔麦。为仔拔麦，弄龌龊脚浪双白袜。拍一拍脚浪双白袜，掮起田里向拔个麦，到了房间里向，肩胛浪放下拔个麦，脚浪脱下弄龌龊个白袜，马上?白袜。又要?白袜，又要摆拔麦，又要晒拔麦；又要晒拔麦，又要?白袜，又要晒白袜。为来为去到田里去拔麦，弄龌龊脚浪向搿双白袜！

小热昏

说起来个希奇，啥个事体？上海个地方，大来个邪气。徐家汇朝南，龙华宝塔有名气。昨日夜里，出仔个事体，搿里个宝塔，拨贼骨头偷去。正巧拨拉，瞎子里个看见，哑子喊捉贼，拨聋子听见，拨疯瘫人捉牢，算伊晦气。捉牢仔个小贼，呒啥客气，拿伊送到，邮政局里。