2023年11月11日发(作者：十大育人)西關童謠，還有多少人記得？
咬蔗须：
咬蔗须，/ 要睇毛，/ 短毛输，/ 长毛赢，/ 无毛吾算数。
斗柑：
“篾”开柑，/ 数柑核，/ 边个核多就边个赢，/ 吾准手赖就甘缩骨。
拍大骳：
拍大骳，/ 唱山歌，/ 人人话我无老婆，/ 嘀起心肝娶返个，/ 有钱娶个娇娇女，/ 无钱娶个豆皮婆，/ 豆皮婆，/ 食饭食得多，/ 屙屎屙两箩，/ 屙尿冲大海，屙屁打铜锣。
凼凼转
凼凼转，/ 菊花圆，/ 炒米饼，/ 糯米团，/ 阿妈叫我睇龙船，/ 我吾睇，/ 睇鸡仔，/ 鸡仔大，/ 摞去卖，/ 卖得几多钱？ / 卖得三百六十五个仙。
摇篮曲
嗳姑乖，/ 嗳大姑仔嫁后街。/ 后街有哋乜嘢买? / 有哋鲜鱼鲜肉买。/ 鲜花戴，/戴唔晒，/ 丢落牀頭畀个老鼠拉，/ 一拉拉去隔条街。/ 隔街有哋乜嘢买，/ 有哋鲜鱼鲜肉买，/ 鲜花戴，戴唔晒，……
路好行
行，/ 行，/ 行，/ 行到街边拾个橙。/ 橙好食，/ 路好行。
鸡公仔
鸡公仔，/ 尾高高，/ 养儿养女唔好咁心粗。/ 唔好心肝唔好，就唔记得父母嘅功劳。
月光光
月光光，/ 照地塘；/ 年卅晚，/ 摘槟榔；/ 槟榔香，/ 摘子姜；/ 子姜辣，/ 买菩达；/ 菩达苦，/ 买猪肚；/ 猪肚肥，/ 买牛皮；/ 牛皮薄，/ 买菱角；/ 菱角尖，/ 买马鞭；/ 马鞭长，/ 起屋樑；/ 屋樑高，/ 买张刀；/ 刀切菜，/ 买箩蓋；/ 箩蓋圆，/ 买只船；/ 船沉底，/ 浸死两个番鬼仔，/ 一个蒲頭，/ 一个沉底。
排排坐
排排坐，/ 食果果。/ 猪拉柴，/ 狗烧火。/ 猫儿擔凳姑婆坐，/ 坐烂屎唿咪赖我。
丫蝉喊
丫蝉喊，/ 荔枝熟，/ 阿婆喊，/ 买豬肉，/ 大人喊，/ 俾滚水渌，/ 细蚊仔喊，/ 俾米升焗。
卖懒
卖懒，/ 卖懒，/ 卖到年年三十晚，/ 人懒我唔懒。
白榄仔，暗暗香
白榄仔，/ 暗暗香，/ 大哥买归阿嫂尝。/ 阿嫂唔尝，畀过细姑娘。/ 姑娘得食随街唱，/ 果然大嫂锡姑娘。
落雨大
落雨大，/ 水浸街。/ 阿哥担柴上街卖，/ 阿嫂教我做花鞋。/ 花鞋花袜花腰带，/ 一串珍珠两边排。/ 有钱打对铃啉鼓，/ 冇钱打个石榴牌。
落大雨
落大雨，/ 去睇灯，/ 唔见花鞋共手巾，/ 边个执到畀番我，/ 买盒细茶谢你恩。/ 个条手巾唔打紧，/ 个对花鞋值万银。/ 鞋頭种得三竿竹，/ 鞋尾种得一箩姜，/ 中间起得一层楼。
鸡公仔，尾弯弯
鸡公仔，/ 尾弯弯，/ 做人新妇甚艰难。/ 早早起身都有话晏，/ 眼泪唔乾入下间。/ 下间有个冬瓜仔，/ 问过安人煮定蒸。/ 安人话煮，老爷又话蒸，/ 蒸蒸煮煮唔中意。/ 大揸拉盐佢话淡，/ 手甲挑盐又话咸。/ 三朝打烂三条夾木棍，/ 仲话：咁好花裙俾你跪到烂，/
咁好石头俾你跪到崩。/ 横又难，直又难，/ 不如捨命落阴间。/ 人话阴间条路好，/ 我话阴间条路好艰难。
猜呈沉：
呈沉剪，/ 呈沉包，/ 呈沉糯米叉烧包。/ 老鼠吾食香口胶，/ 要食豆沙包。
捞鱼仔
花手巾，/ 真引人，/ 基边捞鱼好过瘾；/ 一兜一条好手运，/ 千祈唔好捞着扮。
飞石仔
勾鼻鬼，/ 正死仔，/ 一入广东乱咁嚟，/ 杀人放火以为威。/ 点不知，/ 有嘢睇，/ 遇着陈棠就飞石仔，/ 打到佢爬喺地下要食泥。
萝卜头
萝卜头，/ 点豉油，/ 点得多，/ 咸过头，/ 点得少，/ 淡谋谋。/ 佢以为，/ 好正斗，/ 点不知，/ 俾人踢罗柚，/ 一踢踢到西门口。
卖白榄
沙榄啵，/ 茶窖货。/ 一分钱，买两个。/ 唔好食，咪逗货！/ 食落爽甜无渣啵，/ 食过好食呢--再嚟就买过。/ 沙榄，茶呀 茶窖货--
收卖佬
烂铜烂铁，/ 收买烂铜买烂锡。/ 烂锑罉、烂铜煲、锑煲，/ 烂烂都买。/ 有乜玻璃酒樽旧嘅药水樽，/ 有乜铜仙镍币，书纸报纸旧嘅新闻纸，/ 有就趁贵拎嚟卖嘞--
街头草药
家有两面针，/ 唔怕拳头打入心，/ 若然被人错打嚫，/ 立用大小二还魂。
卖武行
咚咚砰！/ 咚咚砰！/ 伙记慢打锣。/ 打得锣多锣吵耳，/ 打得更多夜又长……
游龙舟
龙舟舟，/ 出街游。/ 姐妹行埋莫打斗，/ 封封利事责龙头。/ 龙头龙尾添福寿，/ 老少平安到白头。
龙舟歌
龙舟龙舟，/ 游呀游游。/ 游到你家门口，/ 它摆尾又点头，/ 祝你家有福禄寿：/ 福到你家子孙平安，/ 禄到你家财源又有，/ 寿到你家老人童颜白发，/ 后辈人仔乐无忧。
艇仔粥
嚟嘞！/ 好靓艇仔粥！/ 食啰 --有鱼有虾又有肉，/ 靓粥滚去又一渌，/ 唔使蒸呢唔使焗，/ 八宝靓味口有福。/ 君食一碗艇仔粥呢，/ 祝你过河行桥有好木，/ 君走出门遇乡里，叫亚叔。/ 若然过南洋呢口爷 -- / 揾钱返嚟，起一间龙凤大屋。/ 嚟嘞--食返一碗艇仔粥。
飞机榄
飞机榄，/ 飞机榄，/ 一飞就飞落你天棚。/ 你唔使劳 嘈 唔使喊，/ 银纸丢落嚟，/ 和味嘅飞机榄，/ 落到你肚腩。
花生肉
花生肉，/ 南乳肉，/ 重好食过焗腊肉。
淡水沙梨
淡水嘅沙梨，/ 脆甜南华李、/ 三华李、/ 蛋黄李，/ 爽甜得嚟带有桂花味。/ 帮衬吓啦，/ 伊道的生果冇得比。
伏垒垒：
一就预备，/ 二就垒埋，/ 三就开盘，/ 四就嚟到，/ 彭到算数。
捉大贼：
点指兵兵，/ 点指贼贼，/ 点着谁人做大兵，/ 点着谁人做大贼。
估手指：
估手指，/ 要估中，/ 边个吾中，/ 就吾中用，/ 裤浪底见个窿。
点虫虫：
点虫虫，/ 虫虫飞，/ 飞到荔枝基，/ 荔
枝熟，/ 摘满屋，/ 屋满红，/ 陪住个细蚊公。
骑牛牛：
骑牛牛，/ 牛牛走，/ 牛牛响前咪回头，/ 若然回头就打箩柚。
打波子：
大眼鸡，/ 咸鱼头，/ 你屙尿，/ 吾洗手。
咕碌咕碌：
咕碌咕碌一，/ 咕碌咕碌二，/ 咕碌咕碌三，/ 准备开炮打敌人！
跳橡筋：
董存瑞，十八岁，为国牺牲炸堡垒，炸到堡垒咯咯脆，全国人民流眼泪。
碌铜仙：
碌铜仙，打铜钱，全凭眼界手出变，叮响铜钱俾个仙。
打泥炮：
打泥炮，泥炮响，唔使揸枪上战场。
飞麻鹰：
折纸机，麻鹰飞，飞来飞去唔落地，麻鹰有条尾。
踩脚趾：
咚啄，酸姜，你阿嬷，缠脚娘。
趿跛跛：
趿跛跛，跳跳脚，咚咚咚，上跳下跳似麻雀。
撞跛脚：
趿跛跛，跛佐蹄，无米煮，煮泥沙，无屋住，住楼梯，楼梯有只鬼，吓到你钻落床下底。
顶手掌：
伸长手，顶手掌，死人都要顶硬上，依牙崩哨就猫甘样。
劈友：
劈友，劈友，快嘀走，走得快，好世界，走得磨，冇鼻哥。
斗远：
斗远掟石头，因住咪甩手，石头最无眼，掟亲吾好眼泪流。
掟砖头：
掟砖头，斗大够，一掟掟到西门口，溅起浪花抛浪头。
捞鱼仔：
花手巾，真引人，基边捞鱼好过瘾，一兜一条好手运，千其吾好牟（蹲）到你头晕。
黐塘尾（蜻蜓）
黐塘尾，塘尾飞，飞到菜田基，田基有条蛇，吓亲你两仔爷。
煮饭仔：
煮饭仔仔先落米，风炉透火柴对齐，千其唔好咁拿西，我哋係细蚊仔。
打马仔：
一人骑角马，两人骑猪乸，三步要埋头，撞到面就打。
斗辣椒：
红辣椒，绿辣椒，平时你镲嘴藐藐，今日你无胆同我撩。
放臭屁：
鬼叫你甘贪心，闻佐我个屁，索入佐个鼻，我要你赔返二两四。
味水底：
味水底，摸泥沙，摸到泥沙当金龟，摸吾到系契弟。
钻台底：
陈德贵，住得矮，床下底有只鬼，吓到佢钻台底。
扯大缆：
一二三，三二一，肥婆跳舞顶第一！
“雪”滑梯：
细蚊仔，雪滑梯，因住跌落嚟，咪学陈德贵，成日流鼻涕，跌亲个箩柚唔好睇。
过天梯：
过天梯，虾矮仔，人在云东过到西，唔怕米贵就最怕矮。
做大戏：
黑面李逵，红面关公，三国水浒乱晒龙，打败清兵系英雄。
弹象棋：
打棋子，靠眼屎，全凭眼界靠本事，唔好睇错认够屎。
画乌龟：
乞儿仔，画乌龟，一人一笔咪乱嚟，最后果个人衰仔！
廣東話急口令 (繞口令)
1. 黐線蜘蛛條蜘蛛絲黐住枝樹枝
2. 去街市買魚腸，見到姨丈，放低魚腸，問候姨丈，執翻魚腸，拜
拜姨丈
3. 掘柑掘桔掘金桔，掘雞掘骨掘根骨，掘完根骨掘金桔，掘完鬼骨輪雞骨
4. 一蚊一斤雞，一蚊一斤龜，究竟系雞貴定系龜貴？
5. 一蚊一隻龜，七蚊一隻雞，他話龜貴過雞，我話雞貴過龜，咁究竟龜貴過雞定係雞貴過龜。
6. 街頭3蚊1斤雞，街尾3蚊1斤龜，街頭買斤雞，街尾買斤龜，你話雞貴定龜貴。
7. 雞龜骨滾羹
8. 入實驗室扲緊急掣
9. 入食物實驗室扲緊十個緊急掣
10. 郵差叔叔送信純屬迅速送
11. 床腳撞牆角，牆角撞床角，你話床角撞牆角定牆角撞床腳？
12. 宜家學緊愈加嘅姨媽而家去宜家傢俬買而家啱用嘅宜家傢俬
13. 麥當娜約咗麥當雄去麥當勞道嗰間麥當勞食麥皮撈當歸
14. 肯德龜同肯德雞去肯德基食肯德基最出名嘅巴辣香雞
15. 雙層牛肉巨無霸，醬汁洋蔥夾青瓜，芝士生菜加芝麻，人人食到笑哈哈。
16. 財政司叫邰正宵做財政司，邰正宵叫財政司攞台證先，財政司話俾邰正宵知，要攞台證先要搞掂財政先
17. 郭藹明見過郭可盈，話郭可盈個袋型，郭可盈叫郭藹明過海改個袋型，改成郭可盈個袋個袋型。
18. 奄金琴軍今暗暗，混吉挖金挖甘桔，金骨挖桔挖銀骨，銀桔甩金不挖得，金骨混筆挖金粒，粒粒金粒挖銀桔，銀桔挖筆梗不吉，不吉挖金更不吉，筆墨挖骨得不償失，得失混吉挖金筆，畢生大吉。
19. 出東樓，走六步，碰見六叔和六舅，好六叔，好六舅，借給我六斗六升好綠豆；過了秋，收了豆，再還給六叔六舅六斗六升好綠豆。
20. 獅子山上獅山寺，山寺門前四獅子。山寺是禪寺，獅子是石獅。獅子看守獅山寺，禪寺保護石獅子。
21. 東門東家，南門董家。 東董兩家，同種冬瓜。有人說：東門東家的冬瓜大。誰知南門董家的冬瓜大過東門東家的大冬瓜。
22. 金瓜瓜，銀瓜瓜，瓜棚上面結滿瓜。瓜瓜落下來，打著小娃娃； 娃娃叫媽媽，媽媽抱娃娃；
娃娃怪瓜瓜，瓜瓜笑娃娃。
23. 圓圓遠遠叫圓月，叫來圓月來賞月。圓圓說：月月圓，圓月說：圓圓月。圓圓說：圓月的眼圓比月圓。 圓月說：圓圓的圓眼賽圓月。究竟是圓圓，圓月的眼兒圓，還是圓圓的月兒圓。
24. 小王和小黃，一齊畫鳳凰。小王畫黃鳳凰，小黃畫紅鳳凰。紅鳳凰黃鳳凰，畫成活鳳凰，望著小黃和小王。
25. 駱老伯，郭老伯，華老伯，柏老伯，駱、郭、華、柏四老伯，約著城北買菱角。買得菱角閣上剝，各剝各，各吃各，閣角莫落菱角殼，免得戳了駱、郭、華、柏四老伯我腳。
26. 潘宏彬、祝文君去搬雲吞，祝文君跟潘宏彬去橫濱，潘宏彬同祝文君一齊去紋身，紋枝人參枝參有崩。
广东歇后语,你讲过几多呢??
铁
木真打仔-----大汗耷细汗
阿茂整饼----无果样整果样
水瓜打狗----唔见紧桷
年三十晚谢灶──好做唔做
灶头抹布──咸湿
灶君上天──有果句讲果句
寿星公吊颈──嫌命长
陈年中草药──发烂渣
灶君跌落镬──精（蒸）神
阿崩叫狗──越叫越走
阿崩养猫──转性
卖鱼佬──有声(腥)气
卖鲩鱼尾──搭嘴
细佬哥剃头──就快就快
肥佬着笠衫──几大就几大
神台猫屎──神憎鬼厌
南无佬跌落粪坑──无晒符
屎忽窟生疮──无眼睇
咸蛋滚汤──心都实晒
瓦檐狮子──叻到满
跪地喂猪母──睇钱份上
床底破柴──撞晒大板
老婆担遮──阴功（公）
投石落屎坑──激起公愤（恭粪）
火烧猪头──熟口熟面
天堂尿壶──全神贯注
老公泼扇──凄（妻）凉
撒路溪钱──吸引死人
黄皮树了哥──唔熟唔食
亚聋送殡──唔听你支死人笛
湿水棉花──无得弹
狗上瓦桁──有条路
十月芥菜──起晒心
肥婆坐屎塔──TUP TUP 撼
纸扎下巴──口轻轻
屎坑关刀──文（闻）又唔得，武（舞）又唔得
鼎湖上素──好斋
火烧旗杆──长叹（炭）
飞机打交──高斗
海底石斑──好瘀（鱼）
鸡食放光虫──心知肚明
山草药──up得就up
番鬼佬月饼──闷极（moon cake）
非洲和尚──乞（黑）人憎（僧）
潮州二胡──自己顾自己(gegegugege)
断柄锄头──无揸拿
猫儿洗面──系甘意
棺材铺拜神──想人死
蒸生瓜──神神地
阿兰嫁阿瑞---类斗类
无耳藤o急---靠托
神仙放屁——不同凡响
生虫拐杖——靠唔住
番薯跌落灶——该煨
老公泼扇——凄（妻）凉
和尚担遮——无法（发）无天
单眼仔睇老婆---一眼睇哂
水兵对水手----水斗水
周身刀---冇张利
隔年通胜----唔值钱
幡杆灯笼-----照远唔照近
三元宫土地------锡（爱惜）身
陆文庭睇相----唔衰螺黎衰
白云山一担泥-----眼阔肚窄
年晚煎堆-----人有我有
厨房阶砖-----咸湿
秀才手巾----包书（输）
十月蔗头-----甜到尾
风吹皇帝裤浪－－孤鸠寒
倒挂腊鸭－油嘴滑舌
抬棺材甩裤－失礼死人
雷公劈豆腐－稳软的来虾
鱼片粥－岩岩熟
火麒麟－周身瘾
阿超着裤－谷住来
人之初 － 口多多(童言無忌，口不擇言。)
笑騎騎 － 放毒蛇(笑裡藏刀也。)
馬照跑 － 女照搞(九七年之後，香港保留資本主義制度，五十年不變。)
舞照跳 － 雞照叫
知少少 － 扮代表(貪功認叻。)
冇幾耐 － 扮大袋(大袋是香港的粗俗語，意謂大人物也；此句是沙塵囂張咁解。)
牙斬斬 － 死得慘(禍從口出。)
眼眨眨 －
扮花旦(雖無過犯，面目可憎之輩。)
聲大大 － 冇貨賣(言過其實。)
眼大大 － 易學壞(青春少艾，容易誤入歧途。)
周身郁 － 扮忙碌(郁者，動也；講多過做。)
眼濕濕 － 扮憂鬱(貓哭老鼠。)
嘴藐藐 － 打得少(口花花，撩是鬥非。)
靜雞雞 － 認低威(衰衰地＊低，認錯也。)
有早知 － 冇乞兒(世事難料。)
晨早知 － 中三T(三T，香港最多獎金的賽馬彩池。)
擔凳仔 － 霸頭位(驚死執輸。)
一張票 － 睇到笑(香港三級色情電影戲院買一張票可以整天任看。)
好好好 － 睇唔到(敷衍了事。)
繞埋手 － 晨早走(練精學懶。)
有得振 － 冇得0訓(大禍臨頭。振，顫抖也。)
搞搞振 － 冇幫襯(搞事破壞份子。)
側側膊 － 唔多覺(得過且過，求求其其。)
搏大霧 － 唔使做(使讀作洗；混水摸魚。)
包二奶 － 實聽拉(香港人回大陸偷情十分危險。)
0焦多件 － 囉黎賤(自己囉ue547衰。)
有姿勢 － 冇實際(虛有其表。)
有交易 － 靠實力(不靠偏門左道。)
七八九 － 飲到嘔(「七八九」是卡拉OK夜店的猜枚遊戲。)
硬骨頭 － 食地球(「地球」指中國六、七十年代生產的地球牌香煙。)
手頭緊 － 搵真銀(勤力搵錢。)
烏啄啄 － 任人將(做人糊塗，容易被人騙。)
淡淡定 － 有錢剩(凡事處變不驚；剩，音「靜」。)
失失慌 － 害街坊(小不忍則亂大謀。)
拿拿林 － 上瓊林(瓊林是香港一間著名夜總會。)
口旱旱 － 食咳糖(口水都無滴。)
有得賭 － 精神好(爛賭之輩。)
三缺一 － 慘過乞(麻雀術語。)
勝勝振 － 軍車?忙中有錯。)
時運高 － 搏番鋪(掌握時機。)
煙KJ － 0禁住搦(話事啤術語，贏面甚高。)
二仔底 － 冇得睇(「沙蟹」術語，輸多贏少。)
隨口up － 當祕笈(語不驚人誓不休。)
招乜積 － 中圍骰(高傲而好運。)
贏粒糖 － 輸間廠(十賭九輸。)
籃熅B － 輸架車(前句另一個版本。)
面懵懵 － 當老馮(老馮，意謂奉旨也。)
細細兜 － 容易媾(初出茅廬少女，容易被騙，追求異性也。)
女人心 － 海底針(女人善變。)
無端端 － 簫吹鬈(莫名其妙。)
十八樓 － 自己友(街坊街裡，守望相助。)
有竇口 － 早0的抖(安得廣廈千萬間。)
讀書少 － 俾人藐(學識低者，會被人看不起。)
面撞面 － 好面善(似曾相識。)
頭0岳0岳－ 四圍度(無聊發悶。)
爛撻撻 － 唔負責(無恥之徒。)
冇曬計 － 發Long禮(意思不按常理做事，全句是趕狗入窮巷也。)
咖喱啡 － 扮阿姐(泥?充石斑。)
頻頻撲 － 冇聯絡(貴人善忘。)
姿姿整 －
有環境(露出馬腳。)
咁人齊 － 等發圍(同心協力。)
趁佢病 － 囉佢命(趕盡殺絕。)
出黎威 － 識搶咪(要懂得爭取機會。)
唔想衰 － 埋大堆(圍結就是力量。)
有異性 － 無人性(見色忘義。)
有殺錯 － 冇放過(寧枉莫縱也。)
有胸毛 － 出黎蒲(惡人形象。)
手毛長 － 性慾強(順口溜而已，無科學根據。)
聽唔明 － 扮純情(裝模作樣。)
懶癡纏 － 博可憐(做戲咁做。)
大笪地 － 食自己(大笪地，香港平民夜總會，擺檔者都是自食其力之人。)
做臭四 － 冇訂企(臭四，對不住朋友之徒，必無好下場。)
眼光光 － 等天光(失眠，滿懷心事。)
印印腳 － 等人約(無所事事。)
斷乜估 － 冇痛苦(難得糊塗。)
x雀籠 － 遲早窮(敗家的形象。)
人工高 － 冇祕撈(祕撈，祕密地去做兼職也。)
唔夠班 － 執二攤(未夠斤兩。)
跟老頂 － 有得醒(老頂，大哥大之輩；醒，有好處是也。)
著草鞋 － 有排捱(著草，是黑語，即走路、遲難之意。)
走得快 － 好世界(童年時順口溜。)
走得摩 － 冇鼻哥(走得慢者，沒好下場。)
你老竇 － 大水牛(童年時罵人的順口溜。)
xxx － 大風爐(也是童年時的罵人順口溜。)
大肚Dum － 冇良心(童年時順口溜。)
大恰細 － 俾屎餵(欺，讀「蝦」音。)
有Background － 冇困難(Background，人事背景也。)
有Quali － 大餐史(Quality指資歷聲望；餐史，英文字CPance，機會也。)
NumberOne－ 有紋身(NumberOne，大哥大之輩。)
「渣」Fit人 － 有疤痕(「渣」Fit，黑語，高級領導人。)
密響Call － 冇甩拖(將勤補拙。)
手指指 － 扮FAN屎(扮熟絡狀，FAN屎，超級歌迷影迷。)
起大屋 － 靠表叔(表叔，中國大陸幹部之稱，此句意思是想在大陸發達，買田買地，非依靠高幹不可為也。)
學猜枚 － 溝表妹(猜牧，是燈紅酒綠場所的玩意，表妹指大陸女孩。)
十十0下 － 拉頭馬(十十0下，「十」即「霎」，香港人極為抵死之用語。意指一個人「霎」0下「霎」0下，表示一個人渾渾噩噩，此句意，傻人有傻福，胡裡胡塗，無端端發財。)
中間界 － 騎喱怪(中間界指中間分界的髮型，騎喱怪，正字是「騎籬蟈」，意為形象標奇立異古怪出位之人。騎籬，是伏在籬笆上的意思；蟈，是一種墨綠色的蛙類動物。)
唔夠皮 － 無面俾(皮，即「皮費」，經營開支洗費。唔夠錢用時，甚麼人也不賣帳。)
二三線 － 好難變(二三線指不是主角的次級貨色。此句語是不好的東西很難會變好的。)
係咁易 － 戴撈屎(表示囂張，撈屎，勞力士金錶也。)
冇啦啦 － 整笪疤(
笪的正寫應該是「＊」；「疤」讀「啦」音。)
白白淨 － 冇性病(稱讚女孩子的美言。)
人嚇人 － 好易暈(廣東俗語雲：人嚇人無藥醫。意思謂俾人嚇慘過俾鬼嚇。)
穩穩陣 － 做半份(安全第一，辦事不要博得盡。)
手頭緊 － 賣白粉(狗急跳牆，不擇手段，不理後果。)
吹吹水 － 唔抹嘴(吹水，口沫橫飛，愛吹牛皮。)
趁你病 － 撻你訂(撻定，是地產買賣術語，放棄交易之意，全句解乘人之危落井下石。)
唔用腦 － 等運到(批評那些靠好彩不靠辛勤努力之輩。)
癲癲地 － 唔識死(不知天高地厚。)
賺快錢 － 炒孖展(孖展，高風險的投資方法，如同賭博，可以發大達，又可傾家蕩產。)
買藍籌 － 唔駛愁(藍籌，高質素股票。)
過大海 － 博好彩(大海，指澳門，香港人假期喜歡到澳門賭場搏殺。)
口水多 － 無尿屙(指喜歡發表偉論的人，香港俗語有雲：口水多過茶，口水多到連尿也沒有，厲害可想而知。)
四圍酒 － 鬥疊友(疊友，墨幫背語。指人強馬壯。)
褲頭鬆 － 搏街鐘(街鐘，歡場術語，客人帶小姐外出為街鐘，小姐要有街鐘，多賺錢，那麼就不能惜身如玉。)
跑鐘仔 － 貼哥仔(鐘仔，亦是歡場術語，指應召女郎有客召喚，此句是指許多歡場女子，辛辛苦苦為了哥仔男友。)
當我流 － 拋浪頭(流，即假?，非真材實料，拋浪頭即靠吹牛皮，靠嚇。)
出黎混 － 無責任(指吊兒郎噹，不負責任之人。)
賣大包 － 任人抄(不計較得失。)
日本船 － 遲早完(「丸」日文解「號」，故此日本輪船多寫上「××丸」，「完」是「丸」的諧音。)
