哗众取宠

回水

回水啊

喂回水啊

回水回水回水回水......

除褲除褲除褲除褲......

ComeonComeonComeon

回水回水回水回水......

你排隊買飛入場又要嗌回水

你嗌回水我就會回水真是一個傻囡

你要睇我除褲你當我真係喝醉

我除完你又會嗌回水

哩個show噶奇妙就係畀你嗌回水

因為哩個世界並無回水哩個規矩

你選擇錯誤唯有對住塊鏡O嘴

你下次做嘢之前不如揾人睇睇風水

你買只狗仔有六條腿

你問邊個回水

你有得開工冇得散水

你問邊個回水

MichaelJackson得五十歲

佢問邊個回水

我點鬼知總之一起嗌回水

個show唔好睇點樣？

個show好好睇

回水就最好睇啦

嗌埋哩次正式開show

[正文】

仲要除褲今時今日都

咦我聽到有人係

根本唔係嗌緊任何內容

係純粹嗌

係嗌緊咩嘢呢哩位朋友

喺哩度噶

不停係啊啊啊啊......

係點樣

係

係鬼節過咗了我翻咗嚟了

你嗌得好恐怖啊

翻嚟啊

仲有咩要求冇

觀眾：你好靚仔啊

冇得要求靚仔噶了

最靚仔係咁噶了

靚仔唔可以要求

仲有冇要求

加場

哩場都未睇完你要加場

我就加哩場

哩場我真係好有誠意各位

我真係回水畀大家

在座有任何人士喺金融海嘯裏面喇咗嘢嘅

我回水畀你

有邊個

好陰功啊

我真係回水畀你

問題係我自己都喇咗嘢

我唔單只係金融海嘯裏面喇咗嘢

過去香港十零年

大約有四個金融風暴

我四次都喇嘢

十年喇四次嘢

人生有幾多個十年啊

我一個都頂唔順

如果喺以前各位

我肯定我一定係一個忠臣

如果唔係我點會喺十年裏面畀人抄四次家

我係忠到同屈原嗰一類人嚟噶了

嘖係唔投河都冇用啊

真係好陰功但係

各位我宜+我係比較豁達噶

我個人經過哩四次

同一個錯誤犯咗四次

宜+我個人噶座右銘係咩嘢呢

輸少當贏

嗱冇搞錯

唔係輸少少當係贏

係輸剩少少

都當係贏

我睇乜野都好順眼噶

宜+我見到一個家庭

個爸爸唔做嘢

一日淨係顧住同個仔打機

對我嚟講哩個係親子好爸爸嚟噶了

個媽媽淨係顧住打麻雀

但係佢冇打D仔女呢

哇哩D咪母愛噶表現咯

個仔吸毒但係佢冇拍低佢

嗱哩D咪叫成熟咯

個女十四歲就生仔了

但係佢唔講粗口嚄

哩D咪有家教咯

總之做人冇要求太多

冇要求咩食得招漬

我但求係死得舒適噶嘖

嘖係千其唔好係火葬噶時候話我聽

其實你未死曬

好怕熱

人生係好詼諧

有乜辦法嘖

又不見咗一半身家了

喺成個金融海嘯裏面我唯一感到安慰噶就係

有本權威嘅財經雜誌話

李嘉誠先生都唔見咗五成身家

何鴻燊唔見咗九成

咁嘖係話我同吖誠哥係平手

贏咗何鴻燊

但係其實贏吖燊哥係唔難噶我覺得

每次我喺澳門翻嚟我夠錢買兩條蛋捲我當贏咗了

各位宜+唔係再係同人比較噶時候了你明唔明啊？

宜+我哋真係自己要問自己

金融風暴係咪無可避免噶呢

我吖爺嗰代我吖爺佢喇咗兩次嘢

到我老豆我老豆喇咗三次

已經成日畀我笑噶了

嘖係你係咪腦缺鈣啊

喇完一次又一次嘅

定係腦缺腦呢

到我自己青出於藍喇四次

個問題係我係唔應該再喇嘢噶嘛各位

我係十年前已經喇過嘢噶了嘛

我用咗十年噶時間嚟到認識一位元金融專家中噶專家

哩次係佢親口同我講咖

佢話吖子華哩次噶市同以前係唔同噶了

哩次我哋升咗上去係唔會落翻嚟噶了

哩句說話講畀太空人聽真係嚇死佢哋

你升咗上去係果度啊

係同樣哩位專家特登醒我

畀咗一個Number畀我

Number降又嚟了

如果在座有人唔知Number降係咩嘢

你要睇翻我十年前噶表演了

睇嚟都係有D人唔知

我簡單解釋幾句了

Number降係世界上最毒噶降頭

每一次金融泡沫你都會聽到一DNumber

然後即刻會令到你三日三夜都瞓無著

你不停係度唸

應唔應該瞓身

唸奮身你瞓無著

唸瞓身瞓無著

瞓無著你又唸瞓身

終於你忍唔住你真係瞓身

然後從此你瞓唔著

但係哩次同以前係唔同了各位

我十年前我已經中過Number降

我係唔會再中了

我直情我直情聞到個大市係燶燶哋噶

我好直接我就問個金融嘅專家

我話喂如果個大市冧

哩個Number你哩只股票會點先

嘖係哩個問題已經好憨居下

哩個問題嘖係問人

喂如果躉樓冧我個單位點先？

嘖係自己仲覺得自己問得好有智慧噶啦

個專家話你放心

個大市冧對你噶Number冇影響

我躉樓冧唔關我個單位事嚄

大市冧都會唔影響嘅？

全個地球冧咗對我只股票會冇影響嘅？

佢話唔錯因為個大市冧唔關佢事嚕

啊？點解會唔關佢事咖

喂好擺到面前就係

我哋真係似乎係有D生意係同外星人做緊

係嘛？如果唔係點會成個地球冧咗唔關佢事啊

宜+我只有兩個睇法

一係哩個世界真係有外星人

一係我哩個朋友傻咗

我哩個專家

但問題係專家係唔會傻噶嘛

我咁係信個專家啦

係我傻咗

我又中多次Number降

但係哩次唔同噶了

哩次我再冇沮喪

我化悲憤為力量

作咗一首歌提醒大家

歷史係冇任何教育意義噶

有邊個喺哩次金融風暴又喇嘢嘅

我送哩首歌畀你《不見棺材不留眼淚》

★不是生嘢你不戒煙

不是失禁不戒酒

不是爆拆你不戒粗口

不是輸曬你不會走

不見棺材你不會喊........

啊★

得得得得得你鎮定D

我會Encore喺適當噶時候

喺適當噶時候

哩個唔係演唱會嚟咖

我搞演唱會你哋就走曬了當然係

我知你哋噶了

你入嚟講嘢咖？唱歌啊

我搞演唱會表演雜技

唉真係

各位啱啱哩首歌你有冇聽清楚

好重要咖你要每日唱十次

然後下次金融風暴再嚟

你一樣喇嘢

點解？因為哩個係我哋人類噶本性嚟咖

我哋噶本性係咩野啊

就係：波唔吹爆唔哎呀

點解我哋會咁樣噶呢？

因為我哋一般人都係唔係好夠運噶人

嗱係唔夠唔係冇

乜野叫做夠運呢

我以前有個同事

叫吖Mug佢就好夠運

嘖佢可以喺公司當作喺自己屋企一樣噶

成日同D第D女同事玩追來追去啊咁樣噶

我又同D女同事玩追來追去

我一邊追佢哋一邊嗌非禮

我噶老友吖強

更加夠運

佢係曾經試過係真人真事嚄

佢係試過喺部Lift

一個酒店部Lift裏邊撞到一個金髮鬼妹

然後係個金髮鬼妹撓佢

你不如同我揾個地方傾下偈啊

去你嗰層定係去我嗰層

而吖強當然唔會去佢嗰層啦

因為吖強根本唔係住喺嗰間酒店度噶

佢係貪得意去遊下Lift河啊

佢話我中意聞D酒店噶Lift噶味啊

喂我唔係講緊做人要咁夠運

我只係希望我哩D普通人

揾一次可唔可以我搭D公共交通工具

小巴又好巴士又好揾次我坐低

隔離可唔可以唔好坐個麻甩佬落嚟啊

一次咁多得唔得當然麻甩佬都會咁唸我

我真係試過我連搭的士我坐低咗

都沖個麻甩佬入嚟你都係過海噶嘖

喂嘖係我哋一般人係好唔夠運噶人係咪？

我哩世人最夠運係咩野?

有一次我搭巴士

真係夠運一上到全層另另舍舍有兩個空位

我嗱嗱聲就坐低一坐低去咗另一個站

上嚟一個美女全架巴士就係得我隔離哩個空位

然後有個美女佢係情願企

全部巴士就望住我同我個空位

哩個時候我最大噶希望就係

唔該你畀個麻甩佬坐落嚟啦

我哋一般人就係唔係好夠運噶人了係咪？係咪？

咁金融泡沫係咩嘢？

金融泡沫就係畀你哩D唔係好夠運噶人

忽然間覺得自己有運行啊

你忽然間覺得自己有運行啊

你就嚟喇嘢噶了

金融泡沫又嘖係等於咩嘢

嘖係你去到一個賭場賭場

全個賭場都係玩緊一鋪大細

全個賭場都係買緊大噶嚄

所有人都嗌大大大

點解？因為所有人都係買大

因為已經連續開咗四十八鋪大了

大家都覺得有運行啊哩次

只要你敢落注你就有運行

到賭第四十九鋪你落注

你係咪賭緊錢?冒緊險？

唔係！你係做緊咩嘢？

你係加入哩個有運行噶大家庭

你係從來唔屬於哩個家庭

宜+呢個家庭張開雙手嚟到歡迎你

來吧孩子來行運吧

喂大班銀行已經升咗兩倍仲會升多三倍

等緊咩嘢咪等緊你咯孩子

來行運吧

你可唔可以抗拒

你好難抗拒

所以通常喺金融泡沫噶時候

我哋最憎係睇到邊一挺噶財經專欄呢？

就係宜+越嚟越多

果d專係教我哋呢

我呢係唔會畀個Number畀你咖

你必定要自己做功課啊

喂我宜+睇緊你噶專欄我做緊乜鬼嘢？

我咪做緊功課咯

我做完功課又要做功課？

我翻緊工我邊有咁多時間做功課啊？

我宜+有運行啊你畀個Number我

我就行運了我行運我唔通會待薄你咩？

係咪先仲有好多人話

喂我哋呢因為睇唔透未來咖嘛我哋人類

係咪？我哋睇唔透

所以我哋投資做人都應該好保守

我哋一般人做人仲唔夠保守啊？

打家劫舍殺人放火

我講完我都即刻想報警了真係

在坐有冇人殺過人咖？我回水畀你

有冇啊？近三個月放過火噶回水畀你

係嘛冇啊嘛

喂我哋我哋真係我玩大富翁入獄

我都想call個律師拆掂佢啊

唔好了我想入深水埗算了你幫下手了

係咪先我哩世人最大膽做過噶嘢係咩嘢？

就係拖只狗落街

而唔拖住佢

犯緊法噶了我當自己半個葉繼歡咁樣噶了已經

好犀利噶了啊然後只狗一路行就一路屙

我成份報紙都用曬了佢仲係咁喺度屙

都唔知食乜嘢真係食少少你咁襟屙

好了屙下屙下畀個執屎佬見到

你知咩係執屎佬了嘖係唔係真係同你執屎咖

佢係睇下你執唔執屎

你唔執屎呢佢就埋嚟檢控你

咁個執屎佬見到我咪沖過嚟話要檢控我

嗱我真係哩世人最大膽係哩次

我指住我只狗同個執屎佬講

我都唔識佢嘅

黐線嘅檢控我只狗屙屎你檢控我

你不如檢控棵樹

黐線個只雀又屙屎啊

你唔鬧我？黐線

問題係我只狗一聽到我咁講呢

擰下佢噶頭自己沖咗翻屋企

我係保守到我真係驚佢識得聽我講乜嘢啊

我成個禮拜我喂最好噶罐頭畀佢食

我不斷同佢解釋我係逼不得已先咁講嘖

我唔係真係咁噶意思

喂果日我同你相認

我真係名副其實揦屎上身嚄

喂我哋一般人係唔夠運噶人嚟啊嘛

宜+難得有個機會行翻個運

一個Number係咪先

行翻個運

唔係話想話發達

只係一次過解決曬所有問題嘖

嘖係譬如好簡單

下一次我放狗落街

起碼我唔使周屋揾報紙先啊等我

做咩嘖成日搞到好像只狗識睇報紙咁樣

我放狗啊我唔係放報紙啊

如果我再遇到任何D執屎佬呢

我直情會同佢講

執屎佬

我哋人類進化咗噶了

係唔係為咗同只狗執屎咖

你啊唔該你都行翻個運了

你點同你噶仔解釋你係做緊一份咩嘢職業呢

啊？爸爸呢就係一個球證嚟咖

就主要工作就係每日睇住果D波波跌落地下果陣時呢

D報紙攝唔攝到埋去咯

大家明唔明白啊

金融泡沫就係畀D冇乜運行噶人覺得自己

有運行啊

而金融風暴真係個災難嚟到噶時候

就係畀D真正唔夠運噶人

覺得自己好安慰

有間銀行叫做荷蘭銀行

佢推出咗一個服務叫做''梵古理財''

梵古幫你理財

大家都知道

梵古係世界上鼎鼎大名噶大畫家

無人不知噶了

除咗梵古自己之外

有一本梵古噶傳記用七個字嚟到總括梵古

佢係咁講噶佢話沒有人比他更窮

梵古理財

梵古一生都係好坎坷噶

但係晚年就都Ok

因為佢係冇晚年嘅

梵古好窮但係為人仍然好舒爽

佢係試過送咗只耳仔畀佢噶女朋友咖

梵古係有精神病咖

一個有精神病噶人幫你理財

然後你有金融風暴合情合理啊

我成日咁唸噶各位

如果到咗今時今日

梵古喺天上望落嚟啊望落嚟

佢會點唸？

當日我D畫一蚊一蚊都唔值

今時今日賣十億

咁今日你哋嗰十億

變成一蚊好公道啊

梵古最安慰係咩嘢呢

佢死噶時候甚至冇人嚟到探佢咁滯

佢冇收過任何帛金咖

但係今時今日

銀行係推出咗梵古白金卡

至此之後仲怕咩瞻仰遺容啊我請

我有張卡

一卡在手喪禮無憂

未睇過噶朋友你係需知道

我飲水唔係因為我需要飲水

係因為我飲得型

呢個都係表演噶一部分嚟咖

事實上我係屋企飲水噶時候

全家都會停落嚟拍手掌

有一個投資專家話

佢話投資同感情一樣

都係唔可以盲目噶

我個人係非常之贊成

咁嘖係話呢

基本上你要睇一個人投資成唔成功

你睇下佢噶感情生活你就知噶了

真係咖喺感情世界裏面

我覺得基本上有兩種人

第一種就係孔明諸葛亮

係同一個人嚟噶哈

我知你有D人唸緊咩嘢咖

曾經有人直情問我

你覺得諸葛亮勁啊定係孔明勁啊?

孔明係好勁咖

但係我唔係講緊呼風喚雨料事如神嗰方面

我係講緊孔明喺感情上係好勁

孔明噶老婆係非常醜樣

有幾醜醜到有朵

孔明個老婆姓黃

佢噶外號就係叫做吖醜黃吖醜

你需知道如果你係一件豬扒

同你豬扒到一個地步你噶外號就叫做豬扒

係兩種境界

一個人要醜成點先至可以有個綽號叫吖醜呢？

哇離遠睇好似爛咗

近睇啊冇嘢就嚟爛

唔係唔係黃吖醜唔係咁樣醜法

史書係有記載咖黃吖醜點樣醜呢

黃頭髮黑皮膚在座有冇？有噶回水畀你

哩度有一個嚄

真係哇完全好合乎條件嚄妳

你照住佢照住佢黃頭髮黑皮膚

三百八十蚊三百八十蚊

但係個問題係妳唔醜吖嘛

事實上因為

因為以宜+現代噶準則喂妳哩個咁噶造型

黃頭髮黑皮膚成個東京都係旺角都唔少

妳唔係旺角走過嚟噶嘛

銅鑼灣都興咖哩D叫做咩？

哩D叫潮Lok

但係哩一挺Lok喺孔明噶年代

大家研究下

喺孔明噶年代哩D叫做

沉船不遂漂浮Lok

係咪妳D頭髮係咪曬咗好耐先可以咁樣噶顏色噶呢

係咪？大家需知道我哋男人同女人係唔同咖

係好唔同男人基本上係好難接受一個女人

個外型係唔靚噶

我唔知點解好多女人

個男人都好醜樣噶女人係冇問題噶

我成日都覺得對女人嚟講呢男人係嘖係等於苦茶一樣

真係好難啃真係但係有益啊嘛

我係真係完全唔明白

我識過一個好靚女噶女仔好靚女

當然唔夠佘詩曼咁靚啦

使唔使著件咁樣噶螢光衫？真係大佬

望住妳我都唔使做Show啦

仲坐第一行添

真係同妳咁上下靚嗰個女仔真係

佢個男朋友但係佢個男朋友係點樣樣呢

我每次見親佢我就唸起畢卡索D畫

有冇睇過畢卡索D畫？

嘖係你你只眼係唔應該喺哩個位噶嚄

嘖係你明唔明呢明明係右眼噶右眼噶右邊有只左眼

然後隔兩寸突然間伸只腳出嚟咁樣樣

搞到好莫明其妙我真係唔明個女仔咁靚

點解妳噶男人咁醜樣噶呢

個女仔同我講我就係中意我男朋友噶樣夠抽象

每次望埋去都好新鮮啊

真係你哩個頭你哩舊嘢係屬於邊部分噶呢

各位男士係唔得咖

男士係好膚淺噶動物嚟咖

係好睇外型咖

咁點解點解孔明可以儲一個咁樣噶老婆呢？

喂我直情我自己有個朋友嘖嘛

佢有個老婆係唔靚噶

係好唔靚噶

但我哋平日都好少講

直到有一次有個朋友直情好直接同哩個朋友講

喂冇咩嘢你唔好帶你噶老婆出嚟啊

大家成日叫D嘢都食唔曬

你老婆真係好鬼醜樣邊個啊你

嘖係唔講你唔好嗌出嚟啦

真係佢話但係有時因為哩D嘢呢

所謂點嘛各花入各眼噶嘛

你好難講係因為咩嘢原因啊

佢自己覺得順眼

嗰個朋友直情話你可能睇慣咗你唔覺啊

佢之前唔覺咖真係呢個朋友

畀佢咁講完呢開始覺得自己噶老婆好唔順眼

好唔順眼過咗幾個月我撞翻哩個朋友

我安慰佢你冇聽D衰人講D人口臭

冇問題了宜+命運啊真係

不過慣咗唔覺了啊真係可以慣咗唔覺噶咩

得我宜+慣咗望我老婆望斜少少她唔覺

一個人話佢老婆唔好樣佢頂唔順

孔明全世界都話佢老婆難睇

黃吖醜嚄哩頭結完婚第日一朝早

周街就唱佢添了

孔明學人儲老婆條女醜到跌落河

嘖古文翻譯過嚟係咁上下啦

咁問題係點解孔明仲要儲呢個老婆呢？

孔明根據史書記載面如冠玉身長八尺

哇咪高過姚明嘖總之係一個好出眾噶人

做乜嘢要儲哩個老婆呢？

根據最流行噶江湖噶說法就係話

因為吖醜其實係大戶人家大家閨秀

孔明能夠儲到吖醜

就能夠打入上流社會積聚政治噶本錢

簡單講一句孔明儲吖醜

除咗視覺冇咩享受之外

對佢整個人生整個大局嚟到睇

都係有著數噶

有人曾經講因為女人要靠男人

所以所有女人都係雞

照咁噶道理呢孔明也是一隻鴨

我可以想像新婚燕爾

孔明會同佢老婆講娘子洞房花燭夜

洞房就難逃啦咁但係D花燭可免了

相公夜嘛嘛又冇電燈唔點蠟燭

傾偈都睇唔到個樣啵

娘子

夜半訴心聲何需太高清

三國數英雄九十JQK

娘子講兩個爛gag又天光了嚄

我上班先了

史實記載孔明儲咗個老婆

成廿年先至有仔生點解？

一日講爛gag唔做正經事

咁過咗廿年又得了嚄點解？

慣咗唔覺係咪？

孔明係識得計數噶人

孔明噶相反就係紅樓夢裏面噶賈寶玉

賈寶玉犀利由細到大圍住佢身邊噶都係女

鹹不剌都係女鹹不剌都係靚女

而其中主打有兩個

一個叫做林黛玉林妹妹

同一個人嚟咖

唔係佢細妹啊

一個叫做薛寶釵

賈寶玉中意邊個呢？

首先簡單形容下薛寶釵先了

用兩句詩薛寶釵係

身材樣貌似Model顧全大局識Social

哩D標準嫁入名門噶材料啊好嘢嚟啊

賈寶玉唔中意

賈寶玉中意邊個林妹妹

林妹妹除咗清麗脫俗之外

有一多兩少首先我哋講少果兩樣

林妹妹好少唔病

林妹妹好少唔喊

係啊今日林妹妹冇喊嚄

係啊病到冇力喊

尋晚仲好哋哋咖做咩忽然間會病啊？

尋晚喊到病

咁妳病翻好就咪鬼再喊啦

我係唔會病好..又喊

林妹妹噶一多係咩嘢多呢？變化多

無論幾開心噶事去到林妹妹果度

佢心理上都會產生四種噶變化

心理學上稱之為喜驚悲歎

喜驚悲歎喜驚悲歎

你話畀佢聽賈寶玉話畀佢聽了

好中意妳啊林妹妹

寶玉中意我咪喜咯

跟住就即刻就會變化了

咁多人面前話中意我寶玉

唔驚畀人講閒話咩即刻就會驚

跟住即刻就會唸寶玉中意我咪好咯

點解又有個薛寶釵呢？

跟著就會悲然後跟著就會唸

寶玉對我好係好

但係我身體唔好又好得幾耐啊好

跟住歎喜驚悲歎

你話畀林妹妹聽佢中咗六合彩

佢會開心一陣

哈我中咗六合彩？好啊開心啊喜

即刻就會唸咁多人聽到我中六合彩驚

跟住仲會即刻唸我中咗六合彩咪好咯

點解要有兩注中呢？

悲然後最後

我身體咁差就算中咗安慰獎

我都使唔曬噶了歎

喜驚悲歎林妹妹冇得開心噶

林妹妹噶悲劇主要就係源至於咩嘢

佢好敏感噶性格

林妹妹最敏感噶一幕

喺紅樓夢裏面就係叫做黛玉葬花

林妹妹見到D花凋謝散落地上

佢會感懷身世執翻起D花

然後攞去好好哋咁樣埋葬咗佢

你去拜山你會攞紮菊花

林妹妹去拜山佢就係拜紮菊花

好多年前汪明荃吖姐呢係做過林黛玉哩個角色

當時佢仲唱咗一小段黛玉葬花

我唔知點解到宜+都仲記得點唱

你哋愛唔愛聽下

但係先此聲明我係唱過好多次噶

哩只歌喺度

次次唱完呢冇乜反應噶大家都

都唔知佢唱乜

咁所以呢我唔理你哋聽唔聽到明我唱乜

你哋如果唔應承我有好熱烈噶反應呢

我就慳翻了

唔係宜+係一陣間唱完

直情好似聽完RockConcert咁啊

我唔理你哋啊制唔制先？

嚟了哈嚟了應承定了啊

唔好一陣間冇端端靜曬整蠱我啊

做唔到落去啊自信心好受打擊咁啊

嗱裏面歌詞裏面有個儂字嘅

儂呢嘖係我咁解嚟了嚄

★儂今葬花人笑癡

他年葬儂知是誰

試看春殘花漸落

便是紅顏老死時

一朝春盡紅顏老

花落人亡兩不知

★

好了好了再做就誇噶了啱啱好

自我感覺都幾好

問題係我將哩首歌對住吖強唱過一次

吖強噶反應哇咁得人驚

一個黛玉葬花式噶女人

即係一個女人喺個額頭度掛住個牌

內有惡犬

此犬狠敏感

嘖係你明知哩個人咁敏感

你都夠膽去搞

所以黛玉寶玉咪咁淒美咯

問題係喺哩個年代仲有冇咁淒美噶愛情呢

嗱起碼今年我哋見到一單嘅

大家都見到咖

機場吖嬸

有冇人係唔知機場吖嬸係咩事噶拍拍手

佘詩曼你係冇拍噶妳不如同大家解釋下啦

其實機場吖嬸大家唔知係咩事呢

要上下網啦

大家要追上潮流咖

都唔係一個潮流嚟噶了

都廿年噶了

機場吖嬸就係今年呢有人拍到有

一位吖嬸去到機場遲咗上唔到機

於是佢就即刻瞓喺機場噶地下度

用個背只大力摩擦個地下

嚟到考驗下睇下機場噶睇下有幾乾淨

佢因為上唔到機遲到咗佢崩潰啊

佢企翻身之後連髮型都變埋

黛玉葬花同機場吖嬸同樣都係名垂千古

佢哋果種脆弱果種敏感

都並非我哋哩D凡夫俗子所能夠明白

我第一次睇到果段片

係嚇死我

我以為果班機係人類離開地球最後一班機了

嘖係地球要爆炸了

全地球撤離咗了係剩翻低

你唔磨地？

你反轉過嚟揾排牙磨添

等埋我啊

吖嬸唔單只磨地

佢仲不停發出好淒厲噶慘叫聲

我係真係學唔到

嘖係如果你唔睇個畫面呢

你會以為係有人生緊仔

但係係生仔都冇咁淒厲咖

真係嗌到一定係有人生個仔

然後個仔一生完出來

自己走落地下走去搭的士走咗

嗱咁咪淒厲了

個仔呢？

搭的士走咗？

好淒厲嗌得

個問題係喺佢不斷磨地

同埋淒厲慘叫噶同時

我最留意噶唔係佢

係佢身旁有兩個男人

我好肯定一個係佢老豆

一個係佢噶愛人

因為如果唔係哩兩種身份

咁當時拍低佢就唔係一個鏡頭係三個

點忍得到唔拍

你點忍得到但係

爸爸當然唔會咁樣做啦

個愛人係更加唔會咁樣做

事實上個愛人係全程同佢保持六尺噶距離

你睇到咖他儘量唔同佢有眼神噶接觸

因為佢好清晰知道

吖嬸真正投訴要宣洩噶物件

唔係航空公司係佢

你睇曬果度成段片

我唯一能夠清楚聽到果句說話

就係吖嬸啱啱好慘叫淒厲完一輪之後

啱啱回到氣就同嗰男人講

我叫咗你上機先啊

佢就會等埋我哋兩個啦

乜得你咁鬼蠢咖

果位男士冇駁過嘴

全程淨係不停咁樣撥弄佢噶頭髮

我一睇就知道佢又係一個賈寶玉

佢係完全接受曬吖嬸妹妹噶脆弱

點解我會犯哩個錯誤噶呢

你明知佢嗰人咁敏感噶啦

好彩哩次係飛機場噶地下

上次遲到街市收檔

果D皖魚

淒美

香港係有躉樓叫凱旋門嘅大家知道嗎?

知噶拍下手

凱旋門好名貴咖

咁大家知唔知道裏面係住咗幾千個拿破崙啊

你唔係拿破崙點住得起啊

係咪先你唔相信你可以每日

黃昏時候行過凱旋門你望翻上去

你就見到每個視窗都有個男人向下望咁樣

你仲會見到佢口中念念有詞

講咩呢

你買唔買得起啊？

你買唔買得起啊？

凱旋門我買唔起嘅幾萬蚊尺咖黐線

所以我為咗發洩

我特登飛去法國睇下真正噶凱旋門

真係好宏偉壯麗好高大咖

差唔多有哩度咁高

好似仲高過添嘖唔覺意

好靚咖D雕塑當時我背向香榭麗舍大道

最出名全世界最出名噶Shopping噶大道

面向巴黎噶西邊

啱啱日落巴黎我自己係度幻想

拿破崙同佢著住寶藍色制服噶大軍

騎住白馬係咁樣操埋嚟何等噶浪漫

就喺哩個時候喺我耳邊我聽到一個女仔

同個男仔講咗一段嘢用一個我好熟悉噶語言

佢話我Do你咩人哋唔Do影了人哋都未Do擺好Po

我Do你Do你

佢當然唔係用個Do字啦

邊個想聽下原文咖？

想聽原文噶朋友可以去搭VAN仔

每次搭VAN仔你都會聽到咖

畀幾蚊就有粗口聽了

點解要畀幾百蚊入場聽

最緊要有邊D朋友係頂唔順聽原文嘅

要拍下手了真係

有冇？有幾位拍一拍手

邊位？邊位係唔得噶

哩D人噶心理真係好虛弱下噶哈

佢又聽唔到粗口啦聽到粗口會崩潰

同埋係承認佢都頂唔順咖

走埋添走埋嘖係冇事啦

真係有邊位朋友頂唔順啊我奉勸你真係

頂唔順特別尋日係有個B唔係BB仔了有個朋友

帶咗個咁細噶細路女就坐喺果個位噶嘖

我叫佢包實佢不斷你要喺佢耳邊不斷同佢唱

如果唔係佢都會聽到咖

咁我仲叫佢側邊有觀眾幫佢手係另一邊唱添

總之圍住佢

小木馬小木馬

有D朋友頂唔順嘅男朋友喺個女朋友耳邊唱

女朋友喺男朋友耳邊唱

或者頂唔順走去廁所

因為真係好刺耳咖

好刺耳咖講出嚟

咁點解要講粗口嘖

大家又唔係唔識講

點解要由我嚟講呢

我想大家感受下果一種氣氛

果一種景象我哋宜+係喺邊度啊

我哋宜+係喺凱旋門啊

法國噶代表法國噶象徵

凱旋門係因為拿破崙當年打贏咗俄國同奧地利

紀念佢噶凱旋而建立的

用咗足足三十年噶時間

亦都象徵著法國最輝煌噶年代

亦都同時係第一次世界大戰一百五十萬法國噶士兵

為咗法國犧牲噶一個紀念碑

就喺法國飄揚噶法國旗下

我哋噶同胞

我屌你咩我唔卵影了人哋都未卵擺好Po

我屌你屌你

得啦唔好太刺激

唔好扮到你好似未聽過咁樣啦

咁然後嗰個女仔一講完當然好戳氣啦

然後就鼓住道氣就坐埋個石墩度

然後我就睇住嗰個哥哥仔呢就飛奔埋去個石墩後面

對住個背只

係咁作法作咗一輪

冇掂過佢咖冇咖

咁只女鬼真係走咗了

嗰女仔又正常翻了嚄

咁佢企起身再影過啦

正常人擺噶Po

當然唔係咁樣啦

女仔擺Po一定係

好驕傲

好乾淨

女仔一定係咁啦

好男仔好啦

正正式式等佢擺好Po哢嚓

影好了然後個女仔就

我Do你咩你冇Do開閃光燈啊我翻香港翻香港啊

佢因為冇開到閃光燈佢要翻香港

佢崩潰啊

黛玉葬花同哩位凱旋一Do都係名垂千古

果種脆弱敏感都並非我哩D凡夫俗子所能夠明白

而哩個男仔我一睇我就知道佢又係一個賈寶玉

佢只係摁錯咗個相機噶掣咋

但係佢令我完全明白一個摁錯咗核子彈發射掣噶人

會有咩嘢噶表情

淒美

究竟喺感情噶世界裏面有幾多嗰人係孔明

我哋見到噶通常一街都係賈寶玉林黛玉

好多女士好多時對一個男士唔滿意

就因為覺得個男士對佢唔夠呵護備至

唔理佢但係女士們你知唔知道

好多男士對一D女士好滿意

就因為覺得個女士唔理我啊

我哩世人最大噶成就就係儲到哩個老婆

佢從來都唔理我啊

我舊年生日我同班Friend過澳門玩

我老婆同我講咗一句說話我幾感動啊

我話嗱老婆我生日同班Friend走了去玩啊

佢同我講我話之你死啊

好老婆

從來唔理我

你唔結婚咪冇人理你咯

黐線唔結婚冇人理果D叫作淒涼

你結咗婚冇人理果D叫作自由

我係代表某一日有其中一個男觀眾係咁樣

我講完自由佢就係度自己玩咗五分鐘

示範畀大家睇噶好激動當時好開心

你問百分之九十九噶老夫老妻啊

你問下佢哋你噶相處之道係乜嘢

都係畀哩個答案畀你嘅

忍

忍下忍下好快就過噶啦

乜嘢過咗？人生咯

咁忍嚟做咩

你都唔明你哋D你D未結婚噶你哋啊

你哋未結婚哩D你放咗工好無聊你人生

我哋結咗婚好充實咖

你放咗工唱K啊諸如此類

我哋D我哋一放工就開始忍佢

放假仲充實忍埋佢全家

同埋忍呢有一個好大噶好處噶嚄

好過癮噶嚄你忍開佢一樣呢你就覺得

佢樣樣嘢都要忍

你睇下個衰樣你睇你睇有冇人見過咁樣食飯

咩樣嘖食飯食成咁樣做乜鬼嘢嘖佢

成日都係咁樣成日一路食飯一路呼吸嘅真係

你未結婚果陣時你唔明咖

有時你會瞓無著你唔明自己點解瞓無著

宜+你好明啊因為佢瞓得著啊嘛

我咁多嘢忍佢都瞓得著嘅？

我忍成咁佢好似冇嘢咁嚄

佢完全冇事咁多年佢好似冇嘢咁噶嚄

瞓到今時今日仲有心跳你睇下

你係咁忍啊忍

你終於你就會到達咗一個

忍咗等於冇忍

冇忍等於忍咗嘅狀態好恐怖

我今年見過一次好恐怖

當時我喺彌敦道我想過馬路

喺我隔離有位吖公有位吖婆

個吖公當時就同吖婆講了

妳冇鬼用啊妳你行路行咗幾十年都行得咁慢噶

人哋都開跑了都落唔到注啦

吖婆就答佢了你賭咗幾十年都冇贏過

如果輸可以當贏你發過李嘉誠啦

你D錢畀咗我好過啦

咁吖公就話妳都懵咖我D錢畀咗妳

我D錢係我咖我中意就倒曬佢都得恐唔恐怖？

唔覺得好恐怖啊因為你只係聽

你冇睇到吖公唔係企係度講咖

吖公係坐係度講

係坐喺一張輪椅度講

而邊個推緊張輪椅呢

吖婆推緊張輪椅

距離果條馬路邊就大約三寸到噶咋

D大巴就喺佢個輪椅面前

而吖婆推張輪椅停係度噶時候

佢唔係就咁停係度噶嚄

佢唔知點解只手有D咁噶動作噶哦

佢好似較緊位噶哦

隨時就出得噶啦

吖公驚都未驚過

妳都懵咖D錢畀咗妳我話畀妳聽

我臨死之前我一鋪賭曬佢

我心唸吖公你使唔使去得咁盡啊

我望一望個吖婆真係眼裏面我見佢閃過一絲噶殺機

跟住佢就同吖公講了咁你今日好賭曬佢了

佢個了字都未完我就聽到佢大喝一聲

財散人安樂

就隊咗出去了

係綠公仔但係我係我係驚到跪咗係度

我過唔到馬路啊

佢兩個好似若無其事

繼續一邊行一邊講

吖公我離遠仲聽到佢講我今日就買曬佢

吖婆就話你買到至算啊仲有幾個街口啊

各位各位

治亂世用重典

結錯婚係慘過輸錢

為咗令大家唔好結錯婚

我唸到一個方法

我今日要示範一次畀大家睇

我喺哩度要示範一次結婚畀大家睇

問題結婚呢就唔係一個人可以結嘅

一定有個新娘陪下咖

咁哩個新娘呢

咦哩度已經有幾個了嚄

吖佘我都有D人咖妳冇當我冇人先得咖

但係對唔住我擇偶先此講

我都有D條件咖

妳睇一睇自己合唔合乎條件先

兩位添妳哋自己睇下

首先就係邊個好打啦當然係

最快搶到對方噶假髮落嚟就贏了

睇嚟兩位都冇假髮

我講下三個條件

第一妳需要係未結婚噶

兩位都未結婚

第二妳需要係好大聲

每人嗌一聲睇下邊個大聲D

邊位大聲D啊？大家認為？

藍衫大聲D啵

好啦問多次藍衫呢位

妳識唔識讀中文字啊？

唔好意思哩位小姐

唔緊要啊我仲有天日果場

天日果場

哩位小姐麻煩妳

點嘛老婆

老婆畀D時間我同大家解釋下個遊戲係點樣玩法

我哋一邊行一邊講

各位事情係咁樣嘅

點解一般噶婚姻好多時都失敗呢

我認為呢主要就因為

你喺結婚噶時候你有好多噶誓詞

通常果D誓詞應承對方好多嘢咖係嘛

我照顧妳一世啊

如果下世見到妳我仲照顧埋添咖

你冇咗左腳照顧你右腳啊

冇上半生照顧你下半生啊

唔知點解會咁啊

總之應承好多嘢

但係從來冇講過應承咗唔做

有咩嘢下場

然後我睇咗一套戲叫作

''黑社會''

裏面又有一D誓詞

係入會噶誓詞

當然唔係叫大家入黑社會

但係哩D誓詞要嚟作結婚噶誓詞

我認為係非常有阻嚇噶作用

係會令你認真唸清楚

咁大家明白我哋就嚟了嚄

老婆妳放鬆D

放鬆D唔使扯得太盡咖

就喺哩度妳放鬆D

冇事啊嘛

真係我擔心我一放開妳跌咗

妳姐妹冇嚟到

但係我D兄弟嚟咗

我哋進行好莊嚴噶結婚儀式嚟了

★婚姻大事自由墳墓★

★既入此門回頭絕路★

女人

妳愛老公定係愛黃金

愛老公

到我了

男人

你愛兄弟定係愛老婆

兄弟噶老婆

妳傻咖你仲拍手

妳應該埋來冚我啊

冚

我玩下嘖老婆緊係愛老婆

認真

黐線仲笑添都唔知嫁乜

認真了到妳了又嚟了老婆

老婆發誓照讀就得噶了慢慢讀

★我自入你黃家之後

你父母即是我父母

你大佬的老婆我叫大嫂

家頭細務尊卑分明

如果不遵此例不念此情

即是背誓五雷誅滅★

明白了嗎

如果我吖媽叫妳洗碗

妳唔洗有乜後果？

五雷誅滅

哩張卡五百蚊會賣畀任何一個就嚟結婚噶人士

好老婆妳發誓發得好好

跟住到我發翻個大誓了嚄

發對誓

老婆企去老公後面

左手搭住老公膊頭

右手高舉指向天上

老公面孔向西

一路前行一路宣誓

嚟了老婆好嚴重妳冇孿先得咖只手

妳勝利啊嘛妳明唔明啊宜+

我哋兩人老婆心存情義

雖不同生死願同死

今日同床共枕

終生肝膽相照

終生義氣發財到尾

倘若奸心反骨有始無終

神昭其上鬼砍其門

三刀六眼五雷轟頂

老婆你知唔知咩叫三刀六眼

三刀六眼妳唔明啊嘛

嘖如果妳有咩對我唔住

就係哩兩隻眼每只眼三刀

變咗六隻

三二於六好緊要啊明唔明白

唔可以互相對唔住啊

三刀六眼五雷轟頂

報應分明人神共鑒

禮成

咪住禮未成數一二三

全場叫聲吖嫂先

老婆龍鳳鐲果D就欠奉了

但係呢有只『越大鑊越快樂』噶DVD送畀妳嘅

老婆都唔係咩貴重嘢嚟嘅

一百二十蚊嘖嘛

但係出邊老婆賣到成二百蚊有人夠膽寫啊

我哋唔好阻住人哋去買嘢了

我哋呢去飲杯合巹酒先

多謝多謝各位小心